«Шардара» мектеп-лицейінің тарихы
Ауданымыздағы іргелі білім ордаларының бірі қаладағы «Шардара» мектеп-лицейі. Мектептің іргетасы 1958 жылы қазіргі Абай мәдениет үйі орнында 5 палатка тігіліп, «Шардара» орыс-қазақ аралас мектебі болып ашылған, оқу ісінің меңгерушісі Асылбеков Амантур Кантемирович сол кезде мектепті басқарған. Ұжым бұл орында коп тұрақтамай, 1959 жылы мектеп «Шардара» қазақ орта мектебі болып бөлініп шықты.
1961-1967 жылдар аралығында мектепті Ағманов Егемберді басқарды.
«Шардара» орта мектебі 1967-1970 оқу жылында өз алдына бөлініп, орталық базардың маңында салынған жаңа мектеп ғимаратына кірді. Сол кезде мектеп директоры Абишев Курайыш тоғыз жылдық мектепті басқарған болатын. Алғашқы түлектер 1970-1971 оқу жылында бітіріп шықты.
1980 жылдың қаңтар айында Әл-фараби нөмерсіз көшесінде жаңа заманауи үлгідегі салынған «Шардара» қазақ орта мектебіне қоныс аударылды. Ең озық үлгідегі, жан-жақты жабдықталған, 4 корпустан тұратын, 2 қабатты, 45 кабинеті бар мектепте бір ауысымды оқу процесі басталды. 280 орындық асханасы, ауданы 12×35 м2 спорт залы, 300-ге жуық орынға кинопроектормен жабдықталған Акт залы тәрбие мен білім беруде қызмет ете бастады. Сол жылдардан бастап замануи үлгіде жабдықталған еңбек кабинеттерінде, шет тілдер кабинеттерінде топқа бөліп оқыту жүзеге асырылып жатты. Химия, биология, физика, математика, информатика кабинеттері сол кезіндегі ең соңғы үлгідегі құрал-жабдықтарымен қамтылды. Алғашқы әскери дайындық кабинеті мен ауладағы тир орындары аудан бойынша ең озық кабинеті мен орын болып есептелінді. Барлық аудандық, спорттық, мәдени іс-шаралар, семинарлар жоғары дәрежеде осы мектепте өткізілді. Алғашқы компьютерлер осы мектепте орнатылған. Интерактивті тақталарымен де бірінші болып қамтылды.
Мектептің бастау тарихында
1968-1976 жылдары Абишев Қурайыш Абишевич,
1976-1979 жылдары Шанникова Тотия Әміржанқызы,
1979-2001 жылдары Тулешева Жамал Өтегенқызы,
2001-2002 жылдары Шынтаев Сырлыбек Кадырович,
2002-2003 жылдары Башкараев Абдисапи Жиенбаевич,
2003-2009 жылдары Шамшидинова Гүлжамила Смаиловна,
2009-2017 жылдары Нұрымбет Жалғас Жүнісұлы ,
2017 жылдан бері Сапаров Жанат Әуелтайұлы басшылық жасап келеді. Киелі білім ордасындағы толағай табыстарымызға мемлекеттің үлкен қолдауымен бірге , қарапайым мұғалімдер және мектеп директорларының қажырлы еңбектері зор екені белгілі.
1986 жылдан бастап мектепте алғашқы 6 жасарлар тобы ашылып, барлық мүмкіндіктер жасалды.
«Қара шаңырақ» аталған мектепте өз өмірлерін баланың буынын қатайтып,қанатын кеңге серметуге арнаған,ен озық ойлы, озат тәжірибелі, білікті, білімді, еңбегі сіңген ұстаздар метеп директоры Жамал Толешова, Асылбекова Роза, Аблаева Роза, Нақыпбекова Гүлжамал, Айдарова Жаңылай, Исаева Гүлзакира, Баязерова Нұржамал, Нұрпайысова Халида, Қырғызбаева Айымкүл, Тағабаева Айымкүл, Нұртаева Есенкүл, Ерубаева Бибізейнеп, Садыкова Сапаркүл, Өтешева Теңге, Омарова Өтегүл, Нарманова Жібек, Боташева Айсұлу, Тіллә, Тобакабылова Жұмақыз, Калиева Сабира, Досназарова Малика, Исабекова Бағила, Ашірбаева Жанар, Үсенбаева Тамара, Зейнеханова Гүлшат, Каттабекова Гүлмира, Есентореева Болсынай, Дарменова Бибігүл, Даниярова Дариға,Бейсенова Лаура, Бертаев Асылбек, Қойбағаров Оразбай, Жұмабаева Бибісара, Тілеубергенова Күнсая, Абдрасилова Құттықыз, Айдарова Гүлзинат, Асадиллаев Шамиль, Есіркепов Тасмырза, Меделова Салтанат, Әзімбаева Разия, Әжібаева Зүйрахан, Омарова Кабиля, Жаңабаева Алтын, Абиева Ханзада, Мырзабай Ұлданай, Мамбетова Алтынай, Миралиева Оразкүл, Ашимов Рзахмет, Абдраимова Ұлтай, Лебаева Ұлту, Қожағұл Әбу ағайлар мен апайлар қазіргі таңда кейбиреулері зейнеткерлік демалыста.
«Шардара» орта мектебін бітіргендер арасынан 6 ғылым докторлары атап айтар болсақ: Бердешев Болат, Данияр Тоқсанбаев, Байдуллаева Ұлжан, Ізтілеуова Раушан, Тілегенов Асқар, орнымен қатар 5 ғылым кандидаттары: Ажиметова Алтынай, Жантасов Самат, Өлмесова Жанна, Боранбаева Лаура, Мыңбаева Ақбілек сынды түлектер шыққан.
1979-2021 жылдар аралығында мектепті 130 оқушы алтын және күміс медалдармен аяқтап шықты. 143 үздік аттестат иегері бар. Осы жылдар аралығында мектебімізден қаншама аптал азаматтар мен азаматшалар шықты .
Кезінде директорларды дайындау орталығы атанған мектебінен шыққан:
Қойланов Амантай - зейнеткер
Бердалиева Ақшагүл – АББ-нің басшысы
Шынтаев Сырлыбек – Қ. Аманжолов жом директоры
Башқараев Әбдісапи – «Шардара» орта мектебінің директоры, М.Горький
атындағы жом директоры, қазіргі таңда зейнеткерлік демалыста.
Жүнісқұлова Роза – «Жаушықұм» мектеп-лицейінің директоры
Нұралиева Жанар - «Сырдария» жом директоры
Байбашев Садықбек – Амангелді Иманов жом директоры
Тұрлыбеков Жоламан – жұмыспен қамту орталығы маманы
Қалшабекова Орынша – директор, аудандық әкімшілігінде
Смаилов Нұрлан – аудандық өлкетану музейінің директоры.
Қазіргі таңда ауданымызда аттарын мақтаныш сезіммен атай алатын шәкірттеріміз ішінен Муталиев Бұлтбай – Шардара қаласы әкімі, аудандық мәслихат хатшысы қызметтерін атқарған.
Жолдыбай Қайрат– аудан әкімі
Сапаров Нұрмахан –аудан әкімінің орынбасары
Шомпиев Бауыржан – аудан әкімшілігінің орынбасары
Тұрғынбаев Аппаз - ішкі істер бөлімінің бастығы
Нұрбақыт Нұрсейіт – «Жаушықұм» елді мекенінің әкімі
Ахментаев Нұрлан – аудан әкімшілігінде әкім заңгері.
Айдосов Олжас – Сүткент ауылының әкімі
Раймкулова Улбике – Қырғыстан АҚ зауыт басқармасының бас технологы
2010 жылы «Үздік мектеп - 2010» атанды.
2013 жылы мектеп «Шардара» мектеп-лицейі статусын алды.
2014 жылы Оңтүстік Қазақстан облысы Шардара ауданының Білім бөлімі және Сарыағаш гарнизонының әскери прокуратурасы арасындағы достастық және қарым-қатынастық туралы меморандумына сәйкес «Шардара» мектеп-лицейінің базасында «Бас әскери прокуратура кадеті» кадеттік сыныбы ашылды.
«Бас әскери прокуратурасының кадеті» кадеттік сыныбының Жарғысы бекітіліп, оны ҚР Бас әскери прокуроры, ҚР әділет қызметінің генерал-лентенанты Ерғали Мерзадиновтың өзі тапсырып, кадет сыныбының лентасын қиды. Салтанатты лента қию рәсімінде ҚР Бас әскери прокуроры Ерғали Серікбайұлы Республикада екінші болып ашылып отырған кадет сыныбының атқаратын қызметі мен мақсатына тоқтала отырып, «Кадет сыныбы қазақ балаларының, оның ішінде ауыл балаларының Отан қорғау жолындағы әскери өнер мен білімді жан-жақты игеруіне қызмет ететін болады» деді.
Республика бойынша кадет сыныптарын ашудағы басты мақсаттардың бірі - өсіп, ер жетіп келе жатқан жастарды елін, жерін сүюге, тәуелсіздікті, бейбітшілікті бағалауға, салауатты өмір салтын ұстануға баулу болып табылады. Кадет сыныбының түлектері әскери мамандықты таңдап, жоғары оқу орындарын бітіріп, ел тыныштығын күзетуде қызмет етіп келеді. Қандай заман, қай қоғам болмасын білім алуды сол кезеңнің ең басты басымдығы деп санаған.
Туған жері мен елі үшін еселі еңбек етіп, ел ішінде игі шаралардың басында жүрген «Шардара» мектебін 1981 жылы бітірген мектеп түлектері «Алтын белгі» иегерлері: Мейрамбек Қаныбеков пен Нұрсұлу Халбаева жақсы игі бастама көтеріп, өздерінің стипендиясын 2021 жылдың қыркүйек айынан бастап, ай сайын, үздік оқыған 6 оқушыға 10.000 теңгеден беріп келеді. Бұл шәкірттеріміздің ыстық ұясына, кейінгі жас ұрпаққа деген қамқорлығы деп білеміз. Осындай іргелі қадамдарға ат салысып келе жатқан мектебімізден шыққан тұлғаларға мың алғыс!
Қазіргі таңда мектепті Сапаров Жанат Ауелтайұлы басқарып келе жатқан болса, басшылықпен бақылауда директордың оқу ісінің орынбасарлары Ходжаниязова Жансулу, Алшериева Бактыгүл, Махимова Жамила;
тәрбие ісінің орынбасарлары Есенбаева Алия, Динасилов Сержан, Ахатова Гүлнұр; ғылыми істер бойынша орынбасары Кулиева Эльмира;
бейіндік істер бойынша орынбасар Қалшабеков Сембай;
лицей сыныптарының бейіндік орынбасары Асылбекова Айгүлім;
ақпараттық-технология істер бойынша орынбасар Алиев Мейіржан;
шаруашылық жөніндегі орынбасары Акбаев Алібек қызмет атқарып келеді.
«Шардара» мектеп-лицейінде 1523 білім алушыға саналы тәрбие, сапалы білім беріп жүрген педагог қызметкерлер – 164, оның ішінде мұғалімдер – 125. Олардың ішінде:
- 1 магистр
- 2 педагог – шебер
- 48 педагог – зерттеуші
- 21 педагог – сарапшы
- 11 педагог – модератор
Сонымен қоса 1 педагог-зерттеуші, 6 педагог-сарапшы, 7 педагог-модератор тест тапсырып оз білімдерін дәлелдеп келіп отыр.
- 24 мұғалім санатсыз. Бұл мұғалімдер де өз кезегінде тест тапсырып білімдерін дәлелдеп, санат алатын болады.
Білімнің қара шаңырағы – өзінің ыстық ұясынан мыңдаған шәкірттеріне тура, әділ әрі адал жолды көрсетіп, үлкен табыстарға қол жеткізіп, жасампаздықтың жарқын үлгісін беріп келе жатқан киелі орда.
Жарты ғасыр деген, әрине аз уакыт емес.
Ұрпақтар алмасып, ұлы жолдарымыз жалғаса берсін!
